Poslovne vesti - Makedonija

Проект за развој на велосипедскиот туризам

Организацијата на жени од Штип започна со имплементацијата на "Проектот за развој на руралниот и планински велосипедски туризам помеѓу Бугарија и Македонијаа со развивање на руралниот туризам во овие два региона.

Со реализација на проектот се очекува зголемување на локалното богатство на проектниот регион и неговата способност истото да го репродуцира со сопствени ресурси, зголемување на неговата туристичка атрактивност, зачувување на животната средина и промовирање на локалните традиции во регионот со примена на современи методи и технологии.

- Проектот е особено од голема корист за локалните компании од туристичкиот сектор кои преку истиот ќе можат да ги промовираат своите услуги и да ја зголемат својата понуда - изјави Наташа Ицева од Организација на жени-Штип.

Во текот на имплементирање на проектот ќе се изработи и студија на туризмот во источниот регион, како и политиките за развој на туризмот, како и студија за бизнис можностите за мали приватни инвестиции и студија за јавните транспортни врска во областа, создавање на заеднички туристички производи.

Проектот за промоција на руралниот и планински/велосипед туризам меѓу Македонија и Бугарија е финансиран од ЕУ преку програмата за прекугранична соработка 2007 - 2013 помеѓу овие две земји, како инструмент за претпристапна помош. Главен носител на проектот е организацијата на жени од Штип која за проект-партнер од Р. Бугарија ја има Трговско-индустриската комора од Благоевград.